Endame Komîteya Merkezî ya PKKyî Cemal Şerîkî bi wesîleya serrgêra şehadetê Qazî Mihemed û embazanê ci û Mahîr Çayan û embazanê ci tay ercnayîşî kerdî.

Qiseykerdişê Şerîkî ra beşêk wina yo:

''50 serrî verî Kizildere de Mahîr Çayan û embazê ci şehîd bîyî. Mahîr Çayan û embazanê ci temsîlîya têkoşînê şorişî kerdêne. Kizildere hema destpêk bîye. Gama Rayber Apoyî reyde Kizildere bîye destpêke. Mahîr Çayan û embazanê ci bi têkoşînî cewab da Darbeya 12ê Êlule. Înan pê pratîkê xo mojna ke heta ke vera dewlete û îqtîdarî têkoşîn nêro kerdene, netîce nêkewena destî. Çalakîya înan yena a mana. Mahîr Çayan û embazanê ci têkoşîno yewbîyaye mojna. Tirkîya û Kurdîstan prosesêkê cîyayî de bîyî. O çac têkoşîno yewbîyaye nêamebi afernayene, no zî dişmenî rê fayde kerd.

31ê adara 1947î zî seba şarê Kurdîstanî tarîxêko girîng o. ê tarîxî de Serekkomarê Kurdîstanî Qazî Mihemed û embazê ci ameyî dardekerdene. Ganî ma şehadetê înan ra dersan bivejê. Nê şehadetî xo reyde netîceyê pîlî ardî. Netîceya ke ganî ma tira bivejê na ya ke ma paştîya xo bidê hêzê xo û azadîya xo. Şert û mercê herêmî û mîyanneteweyî benê ke îmkanan pêşkêş bikerê la girîng o ke netîceyê raştikênî tira bêrê vetene. Ganî merdim paştîya xo bidê hêz û îradeyê xo. Ma hem zemînê xoresnayîşê armancî virazê, hem zî bikerê ke hêzê mîyanneteweyî tewirê xo eşkera bikerê.

Ma serra 10. ya Şorişê Rojawanî de yê. Destkewteyê serra 10. do bibê nîşaneyê ney. Coka ma vîrameyîşê Qazî Mihemed û embazanê ey mîyanê Şorişê Rojawanî de bidê ciwîyayene. Bi na wesîle ez Qazî Mihemed û embazanê ci reyna bi rêzdarî yad kena.''