Endamê Komîteya Merkezî ya PKKyî Cemal Şerîkî cewab da persanê ANFyî. Şerîkî ard ziwan ke serra 2019î de bi xerabîyayîşê têkilîyanê sîyasîyan serra 2020î hetê prosesê sîyasî ra dest pêkerd û vat  çeperê Rojhelatê Mîyanênî yê Şerê 3. yê Dinya zî hîra bi. No zî nîşan dano ke şer do bibo giranêr.

Qiseykerdişê Şerikî ra qismêk wina yo:

''DYA eba pawitişê baregehanê xo yê Rojhelatê Mîyanênî kewte mîyanê xîretanê cîyayan û nê xîretî Başûrê Kurdîstanî û Rojawan îşaret kenê. DYA xîret kena ke pawitişê xo ver bi herêmanê cêran ver bi sînoranê dewleta tirke bianca. DYA Rojhelatê Mîyanênî de her wextî ra zêdêr xurtêr a. DYA tede ca da hêzanê xo yê leşkerîyan, baregehêkê leşkerî û meydanê teyarayanê leşkerî awan kerd.

Şerê DYA-Îranî rejîmê Iraqî ser o yeno kerdene. Eke rejîmêko ke her hetî ra pbesteyê DYA awan bibo DYA polîtîkaya xo ya kurdan rejîm ser o dewam bikera labelê astêka winasêne de ney. Coka do pozîsyonê xo Başûrê Kurdîstanî de xurtêr bikera.  DYA serdestîya Sûrîye û Rûsya Rojawan de vera menfaatanê xo vînena û naye ra serdetîya înan nêwazena. Rejîmê Sûrîye û Rûsya zî bi heman hawayî ewnîyenê DYA. Eke pênêkerê şero 3. do giranêr bibo. Tîya de eşkera yo ke faktorê Tirkîya danê xo verî. DYA derheqê na babete de do berê Tirkîya abikera.

CHP wazeno bi propagandaya meseleyanê komelkîyan weçînayîşan de xo bivejo vernî. Vanê meseleyanê vêşanîye, bêkarîye, vaye ûsn. Qet goş nêdanê meseleyanê sîyasîyan, teda, îşkence, tepiştiş û qirkerdişê Kurdîstanî. Babeta meseleya kurdan û meseleyanê herêmîyan de benê hemparê blokê faşîstî yê AKP-MHPyî û hêrişê kurdan kenê. No zî hetê sîyasî ra înan qels keno û mîyanê komelî de qîymetê înan kêm keno.

AKP-MHP zî na rewşa muxalefetî reyde seba weçînayîşê vervewtan amade yê. Seba ke ser bikewê wazenê tesîrê HDPyî yê sosyalîstî, şorişgêrî û hêzanê demokratîkan ê Kurdîstanî û Tirkîya bişiknê. Reyna bi nê hawayî wazenê ke têgêrayîşê komelkî û warê sîyasetê demokratîkî yê Kurdîstan û Tirkîya çin bikerê û bêtesîr bikerê. Semedê hêrişanê sîyasîyan no yo. Muneqeşayê derheqê yewîya neteweyîye de mabênê kurdan de bi giranî bingeyêkê sîyasîyî yenê kerdene. PDKyî na babete de rayaumûmîye reyde tewirê xo eşkera nêkerd. Seba yewîya neteweyîye hesret û waştişêko pîl esto. Nê bingeyî ser o ganî babete bi hawayêkê stratejîkî bêra dîyene.