Gerîlayê HPG û YJA Starî ke çarçewa Hemleya Şorişgêre ya Cengê Heftanînî de warê Xantûrî de vera dewleta tirka îşxalkere şer kenê xovedayîşê zîndanan selam kerd.

Gerîlayanê YJA Starî ra Serhildane Vîyan Çîya vat: ''Xora ruhê ma yew o, têna mekanê ma cîya yê. Xoverdayîşê zîndanî tarîxê mucadeleyê ma ra heme prosesan de tesîrê xo ramojnayo. Ma nika Heftanîn de xover danê. Zîndanan de xoverdayîşêk esto. Her  cayo ke tede ruhê xoverdayîşî yê PKKyî esto açaryeno kelaya xoverdayîşî. Ma tîya vera heme hêrişan mucadeleyê pawitişê erjanê xo danê. Ma nê mucadeleyî pê paşta Rayber Apoyî û xoverdayîşê hemrayanê xo yê ke her ca de danê, kenê. Embazê ke zîndan de yê heme demanê krîtîkan de rolê xo kay kenê û prosesî bedilnenê.''

Çîya qiseykerdişê xo rê wina dewam kerd: ''Embaz Mazlûm Doganan ra nata tim zîndanî sey warê xoverdayîşî yê. Xora zexto tewr pîl Zîndanê Îmrali de yeno kerdene. Ûca zî bi îradeyê xurtî mucadeleyo tarîxî yeno dayene. Ma tîya bi hêz û moralê ke xovrdayîşê înan ra genê xover danê. Xoverdayîşê zîdanan bi ruhê Rojeyê Mergî yo Pîl ê 14ê Temmuze yeno kerdene. No ruh mekan nas nêkeno. Koyan ra heta deştan, zîndanan ra heta bajaran her ca de ke kurdî estê no ruh vejîyeno orte ke no ruh do serkewtiş bîyaro.''

Serhildane Vîyan Çîya vat: ''Ma bi îradeyê pîlî û eşqê azadîye nê ruhî rê giredayeyê. Rayberîye xeta ma ya ke ma do çirey cameverdê. Heqîqetê ma yo ke rayîr ramojneno ma. Heta ke o hetê fîzîkî ra azad mebo, ma ne koyan de ne zîndanan de azad benê. Ma Îmraliyî ra heta Heftanînî, zîndanan ra heta Kurdîstanî xoverdayîşî selam kenê. Hemrayê ma yê zîndanî têna nîyê. Ma heta ewro bi ruhê Xoverdayîşê Zîndanê Amedî serkewtê ma do ewro ra tepîya zî bi nê ruhî xover bidê. Ma Heftanîn de hemrayê ma zîndanande, şarê ma her ca de bi heme hêzê xo xover danê. Ma do ser bikewê, rayberê xo azad bikerê.''