Qezaya Şaxî ya Wanî de hemwelatîyê bi nameyê Osman Şiban û Servet Turgut 11ê êlule de ameyî destbendkerdene û  dima helîkopterî ra ameybî wareştene.

Şibano ke bi giranîye birîndar bi helîkopterî ra wareştişê ci amebi belgekerdene.

Şibano ke nêweşxane ra ame vetene û ame berdenê keyeyê ci yê Mersînî Ajansê Xeberan ê Mezopotamya rê qisey kerd. Şibanî vat: ''Qewimîyayîşê badê destbendkerdişî nînê vîrê mi. Ez hema nêameya xo. Her cayê mi dejeno, ez nêeşkena wirzî xo ser. Ez hol nîya. Derheqê a roje de qet çîyêk nîno vîrê mi.''