PKK de merdim eşkeno şar, bawerî û îtîqatanê cîya-cîyayan ra  kesan bivîno û xora PKK koyan de zafkulturî û yewîya cîyayîyan temsîl keno. Beno ke gerîlayo Colemêrgij Çekdar Giravî şima rê zaf munasîbê nê manayî nêro, la wexto ke hîna doman bîyo kewto dimayê xeyalanê xo û o wext yew şîîre nuşta. Şima ke goş binê na şîîre ser, o wext şîma do boya hîkayeya ey a xase bigîrê. Gerîla Çekdar Giravî serra 2013’î de beşdarê refê gerîlayan bîyo. La qaso ke Çekdar vano qerarê xo serra 99’î de, wexto ke hîna doman bîyo dayo ke beşdarê gerîlayan bibo Çekdar vano ‘Mi tîya de serebûtê rindekî zî derbaz kerdî’ û reyna vano ‘mi zaf cehd kerd ke ez Rayber Apoyî bişinasna la ez nêeşkena vaja mi o baş fehm kerdo û şinasnayo’. 

Sey her domanê Kurdan ê zî dibistane de ziwano xerîb şinasna.Gerîla Çekdar vano “Mi yew şîîre nuşte la seba mi yew hîkayeya na şîîre zî esta. Vêşnayîşe dewa ma ra dima, bi destpêkerdişê dibistane, mi yew ziwano newe şinasna. Wexto ke ez newe şîbîya dibistane, yew mamostayo ke ziwanê xerîbî qisey keno mi ver de vindert.Tayê çîyê klasîkî estê, mesela sey îşkence, kuwayene, hewce nêkeno ke merdim nînan ra qal bikero la ma çiqas ey rê xêrîb ameyêne, hende zî o ma rê xerîb ameyêne û mi hîsîyatê xo yê ê wextî nuştî û hîna zî mi het de yê.’’

Gerîla Çekdarî  bale atne tecrîdê serê Ocalanî ser û qiseykerdişê xo wina qedîna: ’’Kam se vano vajo, la tecrîdê serê Rayber Apoyî ancax bi xoverdayîş yeno şikitene. Ma şarê Kurdî bedel dayo, ma do seba Rayberîya xo zî bedel bidê.”