Koyanê Zerdeştî yê Şingalî de vizêr Çarşema Sor a Feqîran bi şayîyêke ameye fîrazkerdene. Xeylêk şingalijan bi wesîleya şayîye verê xo da Koyanê Zerdeştî.

Şayîye de hunermend Şakir Helîqîyî berhemê xo pêşkêş kerdî, govende ameye girewtene. Roniştoxanê Şingalî gorî zî zîyaret kerdî û findî vistî ta. 

Hemsereka Meclîsê Şarî Meyane Şengalî qisey kerd û vat: ''Ma her serre şanê roşanî de verê xo danê goran û şehîdanê xo yad kenê.''

Goreyê bawerîya êzidîyan Homa her serre melekêke şaweno erdî ser û na meleke mîyanê merdiman de rindîye vila kena. Goreyê bawerîya êzidîyan Çarşema Sor de dinya ronîyaya.