Yewinanê Xoverdayîşî yê Şingalî û Hêzanê Asayîşî yê Şingalî mîyanê hewteyî de bi nameyê 'Operasyonê Qesasî' hemleyêke daye destpêkerdene. Netîce de xeylêk ajanê MÎTî û PDKyî tepişîyayî. Hemserekanê Meclîsanê Xanesor û Sinûnî yê Şingalî derheqê 'Operasyonê Qesasî' de qisey kerd.

Hemsereka Meclîsê Xanesorî Henane Xanesorî ard ziwan ke bi rayîrê nê operasyonî xayînê komelî nêeşkenê hînî îradeyê êzidîyan bişiknê. Henane Xanesorî vat: ''Cayê xayînan erdê ma Şingal de çin o. Ma do heta peynî hetê hêzanê xo de bibê. Ez venga şarê Şingalî zî dana ke wa wayîrê şehîdanê xo vejîyê. Senî înan seba erdê ma gonîya xo rijnaya ma zî erkê xo seba înan do bikerê.'''

Hemserekê Meclîsê Sinûnî Seyîdo Elîyî da zanayene ke meseleya ajanan meseleyêka sîyasî ya û ajanî wazenê aramîya komelî biherimnê. Elîyî vat: ''Wa ciwanê ma nêkewê şaşîye. Mam Zekîyî ra heta embaz Dijwarî ma zaf bedelî dayî. Ma xêrê nê qehremanan ra payan ser de yê. Ma hewceyê çewî nîyê. Ma wayîrê hêzanê pawitiş û asayîşî yê. Ma do qetî erdê xo ra fek vera nêdê û tim xeta şehîdan de xo ver bidê.''