10ê teşrîna verêne de Iraq de weçînayîşo pêroyî esto. Partîya Azadî û Demokrasî ya Êzidîyan (PADÊ) dest pê propagandaya weçînayîşî kerd. Bi nê armancî her roje herêma Şingalî e çalakîyê cîya-cîyayî yenê kerdene. Vizêr zî dewa Borikî ya Sinûnî de rayraşîyayîşêk û şayîyêke ameyî kerdene.

Girse heta Şaredarîya Borikî şi û uca de namzetê PADÊ Şêx Sîmer Derwêşî qisey kerd.Derwêşî venga şingalijan da ke semedê caardişê xoserîya Şingalî wa raya xo bidê ci.

Nameyê Meclîsê Şarî yê dewa Borê ser o zî Endama Têgêrayîşê Azadîya Cinîyan ê Êzidîyan (TAJÊ) Tora Xelef Qasim qisey kerd û îfade kerd ke PADÊ semedê komelê êzidîyan destê ci ra çita bêro do bikera.

Cinîyan ê ciwanan Hedû Hecî û Ferha Bapêr zî ard ziwan ke ê bindestîye qebul nêkenê û coka raya xo bidê PADÊ.

Şayîye pê govendan qedîyaye.