Dewleta tirke ya îşxalkere perey vera kedkaranê Çira TV û Çira FMyî hêriş kerdbî. Hêriş Şingal de serkêşîya Îdareyê Xoserî de, bi rayraşîyayîşêkî ame şermezarkerdene. Rayraşîyayîşî verê bînaya Îdareyê Xoserî ra heta bînaya Konseya Asayîşê Neteweyî ya Iraqî dewam kerd.

Rayraşîyayîşî ra dima nameyê Îdareyê Xoserî ser o Azad Huseyînî eşkerayîye daye. Eşkerayîye de ame parekerdene ke hemkarê dewleta tirke rayîr danê hêrişanê îşxalî. Huseyînî vat: ''Çira TV û Çira FMyî vengê raştîye yê êzidîyan danê eşnawitene. Tay dezgehê çapemenîye yê sey Xanî û Rûdawî raştîyan herimnenê. Se beno wa bibo, rixmê dewleta tirke û PDKyî zî ma do qetî erdê xo nêteriknê.''

Endama Koordînasyonê TAJê Dayê Şemê zî pare kerdke ganî Konseya Asayîşê Neteweyîyî vera nê hêrişan mesuldarîya xo bîyara ca.