Şarê Şingalî vera peymana PDK-Iraqî ya serê Şingalî rayraşîyayîşêk û çalakîyêke kerde. Şingalijan vat ke ê do destkewteyanê xo yê 6 serran ra fek vera nêdê û destkewteyanê xo teslîmê kesan ê bînan nêkerê.
Şarê Şingalî vera peymana Bexdad-Hewlêrî ewro meydanan de yo. Bi seyan êzidîyan bi şîarê 'Asayîş rûmetê ma yo' merkezê Şingalî de dest pê rayraşîyayîşî kerd. Rayraşîyayîş de sloganê sey 'Biciwîyo xoverdayîşê Şingalî', 'Biciwîyo Asayîş' ameyî vatene û pankartî ameyî akerdene.
Rayraşîyayîş verê Asayîşê Êzidxanî de qedîya. Tîya de Cigîrê Hemserekanê Meclîsê Xoserîya Demokratîke yê Şingalî (MXDŞ) Heso Îbrahîmî qisy kerd û îfade kerd ke na çalakîye seba pawitişê destkewteyanê 6 serran û hêzanê pawitişê Şingalî ameye kerdene û zaf girîng a. Îbrahîmî bale ante ser ke ê do hêz û îradeyê 6 serran do teslîmê kesî nêkerê. Îbrahîmî pare kerd ke ê do destûr nêdê ke êyê ke Şingal qextê qirkerdişî de têna verda abigêrê.
Dima nameyê Têgêrayîşê Azadîya Cinîyan ê Êzidîyan (TAJÊ) ser o Meyane Nasir û nameyê Partîya Azadî û Demokrasî ya Êzidîyan (PADÊ) ser o Hisên Hecî qisey kerd. Wird qiseykerdoxan zî da zanayene ke şarê Şingalî û cinîyê Şingalî do destkewteyanê xo ra fek vera nêdê.
Qiseykerdişan ra dima çalakîye bi muzîk û govendan qedîyaye.
Çalakîya xeyme zî roja 5. de dewam kena.
