Şarê Şingalî semedê protestokerdişê pêkerdişê  derheqê înan de ke 9ê teşrîna verêne de bê îradeyê înan hetê hukmatê Iraq û Başûrê Kurdîstanî ra ame kerdene vejîyayî kuçeyan.

Îdareyê Bexdad û Hewlêrî 9ê teşrîna verêne de da pêhesnayene ke înan derheqê Şingalî de pê kerdo. Goreyê pêkerdişî Şingal do warê asayîşî de pabesteyê Baxdadî bo û warê îdare û xizmetî de zî do Baxdad û Hewlêr do hempar têbigerê. Bado ke no pêkerdiş ame eşnawitene Îdareyê Xoserî yê Şingalî bi eşkerayîye da zanayeneke no qerar înan girênêdano û ê nê qerarî nas nêkenê.

Şarê Şingalî zî bi rayraşîyayîşêkî vera nê qerarî nêrazîbîyayîşê xo ramojna. Pîya bi êzidîyan, ereb, sunî û şîîyî, rayberê eşîran, merdimê dînî û îdarekarê partîyanê sîyasîyan û dezgehanê komelê sîvîlî tewrê ci bîyî. Çalakwanan pankartê ‚ Şarê Şingalî teberê îdareyê ci de qet qerarêkî qebul nêkeno kirişt û vera nê pêkerdişî hêrsê xo ard ziwan.

Şingalijan sey di madeyan waştişê xo ardî ziwan:

1-Heme qeraranê îdarekerdişê bajarî de şarê Şingalî zî ganî ca bîgero.

2- Semedê pêvînayîşanê derheqê Şingalî babeta tewrbîyayîşê şarê herême de wa komîteyêke bêro ronayene.