Nêrazîbîyayîşê vera peymana Bexdad û Hewlêrî ya seba Şingalî dewam kenê.

Roniştoxanê herêma Sinûnî ya Şingalî ra Hacî Dehalî ANFyî rê qisey kerd û vera peymane tewirê xo mojna.

Hacî Dehalî bale ante ser ke peymane bêrizaya şingalijan ameye kerdene û vat: ''Yew xebera ma na peymane ra çinbî. Ganî hêverî fikrê ma biameyêne persayene.  Wexto ke DAÎŞî hêrişê Şingalî kerd PDKyî êzidîyî teslîmê DAÎŞî kerdî. La PKKyî ma pawitî. Heqê PKKyî estbi ke na peymane ra agahdar bibo.''

Hemwelatîyê bi nameyê Reşîd Dawûdî zî wina nêrazîbîyayîşê xo ard ziwan: ''Ê goreyê keyfê xo cuya ma ser o biran danê. Ma qebul nêkenê ke êyê ke Şingalî ra remayî wa abigêrê.''

Roniştoxê bi nameyê Qendîl Tilhizîrî vat: ''Rîyê PDKyî ra DAÎŞî ma qir kerdî û PDKyî serra 2017î de zî Şingal teslîmê Haşdî Şabîyî kerd. Ma hînî nêwazenê ke PDK derheqê ma de biran bigêro. Şingal û êzidîyî sey verî nîyê, hînî şîyar bîyî. Çew nêeşkeno bêrizaya ma peymanêke ma rê ferz bikero. YBŞ û YJŞyê ma estê, ma hewcedarê çîyê bînî nîyê.''