Roniştoxanê Şingalî çarçewa çalakîyanê vera peymana Bexdad-Hewlêrî de bi armancê paştdayîşê Asayîşê Êzidxanî verê bînaya Merkezê Asayîşê Şingalî de xeyme naye ro.

Çalakîya ke bi şîarê 'Ma pêro asayîş ê' dîyaye destpêkerdene roja 12. de hetê koma Xanesorê ra  dewam kena. Yeno pawitene ke heyetêkê Wezaretê Karanê Zereyî yê Iraqî û selahîyetdarê hukmatî xeyme zîyaret bikerê.

Şarê Şingalî kome bi kome tewrê çalakîye benê û paştî danê Asayîşê Êzidxanî. Qeza û bajarekanê Şingalî ra her roje xeylêk kesî xeyma çalakîye zîyaret kenê.

Şarê Şingalî wazeno ke xoserîya Şingalî bişinasîya û îradeyê êzidîyan zî Iraq de bişinasîyo. Heta nika hukmatê Iraqî cewabêk nêda waştişanê êzidîyan.