Şingal de bi seyan kesan vera dormegirewtişê Şingalî ver bi sînorî kewtî rayîr. Artêşa Iraqî rayîrê girewtî û kena ke verê rayraşîyayîşî bîgêro.

Hukmatê Iraqî seba ke zext û dormegirewtişê Şingalî zafêr bikero metodanê neweyan fîneno dewre. Artêşa Iraqî nizdê yew aşme yo bitaybetî sînorê Rojawanî ra dormeyê Şingalî pê têlan geno. Eynî wextî de mabênê Rojawan û Şingalî de viraştişê dêsî dewam keno.

 Şarê Şingalî ewro  vera polîtîkayanê hukmatî vejîya kuçeyan. Xanesor û Sinunî ra bi seyan kesî ver bi baregehê Tirbika yo ke nizdê sînorê artêşa Iraqî de yo kewt rayîr. Artêşa Iraqî pê hêzêkê xurtî verê şarî girewt. Seba ke rayraşîyayîş bêro dewam kerdene pêvînayşî dewam kenê.