Muxabîrê Ajansê Mezopotamya (MA)  Zeynepe Durgut û Azad Kaya û muxabîrê Jinnewsî Rojda Aydin û Derya Ren bado ke Şirnex ra şîyî Cizîre ameyî destbendkerdene.

Polîsan dewkewtişê Cizîre de verê wesayîtê rojnamegeran girewt, çeke darte înan û nasnameyê înan Arêdayîşê Hayîdarîyanê Pêroyîyan (GBT) ra ravêrnayî.

Muxabîre Zeynepe Durgut çarçewa cipersayîşê Serdozgerîya Komare ya Wanî ke derheqê xebaranê helîkoterî ra wareştişê Osman Şiban û Servet Turgutî amebi despêkerdene, ameye destbendkerdene.  3 rojnamegerê bînê ke raştê tehdîtanê polîsan ameyî serbest ameyî veradayene.