Merkezê Îrtîbatî û Çapemenîye yê HPGyî derheqê çalakîyanê gerîlan û hêrişanê îşxalî de zanayîş da.

Eşkerayîya HPGyî wina ya:

Çarçeweya Hemleya Qesasî ya Şehîde Medya Mawa û Şehîd Rizgar Geverî de 9ê kanûnê de hêzanê ma Hezaxê Şirnexî de da îşxalkeran ro. Çalakîya sabotajî ya ke herêma Şehîd Botanî de ameye viraştene 2 leşkerê bayeberzî zî tede tewr tay 3 leşkerî ameyî kiştene 9 zî birîndar bîyî. Çerçeweya Hemleya Şorişgêre ya Şehîd Bagerî û Şehîde Ronya de 13ê kanûne de Heramanê Pawitişî yê Medya ra Xakurkê de çalakîyêk ameye viraştene. Îşxalkerê ke Qilê Şehîd Derweşî de ameyî cakerdene ameyî pirodayene. Mewzî û stargehanê dişmenî ser o adir ame varnayene. Derheqê merde û birîndaranê dişmenî de zanayîş nêame girewtene. Badê çalakîye herême ameyî bombardûmankerdene. Yewîyanê ma yê ke nê çalakîyî viraştî weş û war resayê cayê xo.

Xakurkê û Avaşîn de Hêrişê Hewayî

Teyarayê artêşa tirke ya îşxalkere Heramanê Pawitişî yê Medya Xakurkê de 11ê kanûne de herêmê Şehîd Şerîfî û Sininê, 12ê aşme de zî Avaşîn de Qilê Sorî û Zap de zî heram Şikefta Birindara bombavaran kerdî. Nê hêrişan de vînîbîyayeyê ma çîn ê.

Çekdar Bîlîcan Esîr Kewt

Ma eşkerayîya xo ya 31ê teşrîna peyêne de da bi zanayene ke 7 teşrîna peyêne de Çelê ya Colemêrgî de 3 embazê ma şehîd bîyî. Nê embazan ra Çekdar Bîlîcan (Mîkaîl Ozdînç) o ke ma sey şehîd îlan kerd bi şehîd nêbîyo esîr kewo destê dişmenî.‘‘