Operasyonanê qirkerdişê sîyasî yê Şirnex û qezayanê ci Cizîre, Hezex, Silopî, Qileban û Elkê de 23 sîyasetmedarî ameybî destbendkerdene. Nînan ra 13 kesî vera dîyayî.

Hemserekê HDPyî yê Silopî Kadîr Kunur zî tede 7 kesî sewqê mehkeme bîyî û 6ê înan bi şertê kontrolê edlîyî vera dîyayî. La Delegeya Kongreya Komelê Demokratîkî (KCD) Ekrem Şavli bi îdîaya 'endamîya rêxistine' tepişîya.

Kesê ke vera dîyayî nameyê înan wina yê: Hemserekê HDPyî yê Silopî Kadîr Kunur, Endamê KCDyî Cemîl Gun, Delegeyê KCDyî Fîkret Cîn, Endamê Meclîsê Şaredarîya Şirnexî Elfesya Nas, Yakup Taniş û Maya Haştîye Şemsê Kara.

Hetê bînî ra ame parekerdene ke Hemşaredaro verên ê BDPyî yê Elkê Faîk Dursun nezaret de yo û tede nêweşîya kanserî vejîyaye. Dursun wedarîya nêweşxane û testê ci yê Korona zî pozîtîf vejîya. Tedawîya Dursunî nêweşxane de dewam kena.

Perey zî Hemşaredara Cizîre Bêrîvane Kutlu zî tede 7 sîyasetmedarî vera dîyabî.