Hemserekê HDPyî yê qezaya Geverî Şoreş Dîrîyî ANFyî rê qisey kerd û ard ziwan ke ê seba weçînayîşan nika ra amade yê.

Şoreş Dîrîyî vat: ''Ma asayîşê sindoqan cidî vînenê û ma do wayîrê rayanê şarê xo vejîyê. Ma pabeyê ci yê ke ciwanî bêrê û sindoqan bipawê. Gever de qasê 77 hezar weçînitoxî est ê. Ma taxan ra heta keyeyan gêrenê û xîret kenê ke xo biresnê her kesî. Ma medyaya dîjîtale zî seba ney şuxilnenê. ''

Dîrîyî îfade kerd ke îqtîdar xîret keno ke pê dewaya qefilnayîşî, talanê xoza, tepiştişî netîce bigêro la qetî weçînayîşê 2022yî de do bin bikewo.

Dîrîyî vat: ''Ma sey şarê Colemêrgî weçînayîşê 2023yî rê seke siba yo amade yê û ma do bikerê ke wekîlanê xo bi rayanê berzan bişawê Meclîsî.  Ma 2018 ra ders û netîceyî girewtî. Ma do qetî weçînayîşê 2023yî de AKP-MHPyî Colemêrg de binê bendî de verdê.''