Ma zaf cinî û camêrdê ciwanî dîyî ke nê erdî de game bi game ver bi roşnîye şîyêne. Merdîmê ke zor û zehmetîyî nas nêkerdêne. Înan ra yew zî gerîlaya YJA-Starî Amara Vîyan (Rojda Sever) bîye.

Amara Vîyan metropolanê Tirkîya de bena pîl labelê bi hesretê Kurdîstanî bena pîl. Welatperwerîya keyeyê ci, perwerîya bi kultur û ziwanê xo benê semed ke bala Amara hîna zêdêr şora Têgêreyaşê Azadîye yê Kurdîstanî. Serra 2012î de Amara tewrê  gerîlayan bîye. Tewr zaf hêz û rayberîya cinîye ya koyanê Kurd tesîrê ci kerd. Wexto ke dest pê şîîra şorişî kena vana: ''Şoriş deyîrêk o ke qet ziwanan ra kêm nêbeno.''

Amara ya ke nasnameyê sexteyî yê zîhnîyetê dewleta asîmîlekare, faşîste û kiştoxe red kena, nasnameyê şorişgêrîye xo rê esas girewt û zor û zehmetîyî ci rê asteng nêbîyî. Amara vana, ''Şorişgêrîye bibengî ya'' û vera her zor û zehmetîyan xo ver da.

Amara ke bi hawayêkê tewr manadar ê şorişgêrîye ciwîyena, bi eşq û kelecanê cuye tewrê Cengê Heftaînî bena. Vera hêzanê îşxalkeran û serdestan xo ver dana û şerê xo yê biîradeyî tarîxê xoverdayîşî yê şaran de neqişnena.

Amara Vîyan (Rojda Sever/Wan) warê Partîzanî yê herêma Heftanînî de şandê 25ê tebaxe de hêrişê teyarayanê şerî yê dewleta tirke de embazanê xo Agît Çîya (ahmet Xelat/Zaxo), Kendal Sûrûç (Mehmet Kaya/Riha) û Zagros Rojhilat (Burhan Alînecat/Xoy) reyde şehîd bena.