Gerîlayanê HPGyî Bengîn Barman, Mazlûm Kato û gerîlaya YJA Starî Ezda Îsyan derheqê Newroza 2022î de ANFyî rê qisey kerd.

Gerîlayê HPGyî Bengîn Barmanî vat: ''Seke zanîyeno Newroze seba kurdan û pêro şaranê bindestan rojêka zaf girîng a. Kawayo Modern vera zorbazîya Dehaqan, vera zorbazîya îqtîdaran bi sembolê xoverdayîşî û adir vist ta. No adir hema zî zorbazî û tarîtîye bin keno. No xoverdayîş serkêşîya şarê ma û têgêrayîşê ma de resayo astêka tewr berze. Seba gerîlayan famkerdişê raştîya Mazlûm Dogano ke Zîndanê Amedî de adirê Newroze kerd we, muhîm o. Embaz Mazlûm şaran rê bi hêvî. Çimeyê xoverdayîş û têkoşînê ma Rayber Apo yo. Ma sey gerîlayan bi coşî Newroze pêşwazî kenê. Hedef û armancê ma hedef û armancê şehîdanê ma yê. Ma do Newroza 2022î bikerê Newroza azadîya Rayber Apoyî û nê esasî ser o têkoşînê xo berz bikerê.''

Gerîlaya YJA-Starî Ezda Îsyan vat: ''Adiro ke Kawayê Asinkarî vist ta do hewna nêşoro û vera zulm û zorbazîye geş bimano. Embaz Mazlûm Doganî Zîndanê Amedî de bedenê xo de adirê Newroze vist ta. Embaz Rewşen, Bêrîvane, Sema u Zekîye zî sey embaz Mazlûmî nêverda ke no adir hewna şoro. Ma do wayîrê rêçê înan vejîyê. Ma venga şarê xo danê ke na serre Newroze hîna bi xurtî fîraz bikero. Wa vera Dehaqê nê çaxî Erdoganî têkoşîn û xoverdayîşî rê dewam bikero. Ma sey YJA-Starî na Newroze de armanc kenê ke Rayber Apoyî reyde Newroze fîraz bikerê.''

Gerîlayê HPGyî Mazlum Katoyî vat: ''Ma sey şagîrtanê Mazlûm Doganî vera dewleta tirke ya îşxalkere serê koyan de Newroze pêşwazî kenê. Ma do Newroza 2022î bikerê Newroza azadîya Rayber Apoyî.Bi nê hawayî ma do vera zulm û zorbazîya Dehaqan xo bimojnê. Ma vera Dehaqê nê çaxî Erdoganî sere wedarit. Ma do Newroze de dewleta tirke birijnê. Ganî ciwanî bi na hişmendîye verê xo bidê koyan.''