Qerarnameyê Serekkomarîye de ke 30ê hezîrana 2022yî de Rojnameyê Fermîyî de weşanîyabi, Gola Wanî sey 'Warê Şuxilnayîşê Bikontrol û Pawitişî yê Sîtî' ame îlankerdene û seba ke qeraxê Gola Wanî mîyanê AKP û terefgîranê ci de bêrê parekerdene qanûnêk ame amadekerdene.

Qanûnî ra dima Walîtîya Wanî û selahîyetdaranê dewlete bi kombîyayîşêkî 'Planê Çalakîye yê Pawitişê Gola Wanî û Bernameyê Caardişî' çapemenîye rê îlan kerd.

Sere de Baroyê Wanî, Komeleya Pawitişê Berhemanê Tarîxîyan a Wanî (ÇEV-DER), Odaya Dermanrotoxan a Wanî, OHD, TMMOB, Odaya Tabîban a Wanî, KESKî xeylêk rêxistinan vera qanûnî nêrazîbîyayîşê xo mojna.

AKP û qeyûm  bi serran o qeraxanê Gola Wanî şarî rê qedexe kenê û mîyanê xo de vila kenê. Roniştoxê Wanî vera nê qedexeyan nêrazîbîyayîşê xo mojnenê û dîyar kenê ke AKP û terefgîrê ci çim verdenê Gola Wanî.