Rêxistinanê AKPyî yê Wan û qezayanê ci keyeyê serweşîye vurnayî kerdî buroyê weçînayîşî. Rêxistinê AKPyî hema hema her şewe taxan de keyeyanê serweşîye de kombîyayîşanê weçînayîşî kenê.

Qezayanê Ercîş, Muradîye, Tûşba, Payîzava û Edremîtî de menga Remezanî reyde kombîyayîşê AKPyî zî zêdîyayî. Îdarekar û serekê AKPyî tewrê kombîyayîşan benê û muxtarî zî serkêşîya kombîyayîşan kenê.

Ame parekerdene ke muxtarî bi bahaneyêka bîne venga şarî danê ke tewrê kombîyayîşan bibo la şar wexto ke yeno kombîyayîşan rewşe museno.

Baskê cinîyan ê AKPyî zî keyeyan de bi nameyê sohbetê dînîyî fitaran serûber kenê la nê fitaran de propagandaya AKPyî kenê. 

AKP binê nameyê 'hetkarîya Remezanî' de bi taybetî xîret keno ke keyeyanê feqîran rê tesîr bikero.

Wan de komeleyê sey ÎHH, Başak Der, Veren El, Hayrat, Ensarî faalîyetanê xo zêdînenê û sey îdarekaranê AKPyî xebatanê xo kenê.