Hemşadarê Partîya Şaran a Demokratîke (HDP) yê Bajarê Girdî yê Amedî Selçûk Mizrakli û Hulya Alokmen Uyanike semedê girewtişê mazabatayanê xo reya dîyine şîyî Heyetê Weçînayîşê Bajarî.  Mizrakliyî mazbataya xo girewte la ya Uyanike rîyê KHK’yî ra nêameye dayene.

Hemşedarê Amedî  Selçûk Mizrakli û Hulya Alokmen Uyanike,  Mayê Haştîye,  û xeylî parlamenter û hemşaredarê  HDP’yî zî tedê grûbêk semedê girewtişê mazbatayan şîyî Heyetê Weçînayîşê Bajarî. Mizrakliyî mazabataya xo 16  rojan ra dima girewte la rîyê KHK’yî ra mazbataya Uyanike nêdîyaye ci. Mizrakliyo ke vernîya Heyetê Weçînitişî de qisey kerd, bale ante xoverdayîşê grevê vêşanîye ser û va: ‘‘Ewro grevê vêşanîye yê Leyla Guvene kewt roja xo ya 160’ine.  Waştişê grivê vêşanîye vernîya haştîye akeno. Tecrîd xora hetê huqûqî ra zî suc o.  Ganî vengê xoverdayoxan  cade bêro eşnawitene û berê haştîye bêro akerdene.‘‘ Mizrakliyî şarê Amedî rê spas kerd  û vat ke ma serkewtişê nê weçînitişî birêze Leyla Guvene û birêze Gulten Kişanake ya ke bîlaheq zîndan de yena tepiştene rê îthaf kenê.

Uyanke ke zî vera kayanê leyminan ê îqtîdarî  hêrsê xo ard ziwan û vat ke şar îradeyê xo ramojna  û qeyûm fetilna.  Demo ke mazabata ameyene girewtene barîkat û û kulubeyê kontrolî yê polîsan yê ke  qeyûm dormayê Şaredarîya Girdî yê Amedî de ca kerdebî ameyî wedarnayene. Yeno pawetene ke Mizrakli û Uyanike zereyê roje de şaredarîye dewr bigîrê.