Çarçewa cipersayîşê Serdozgerîya Komare ya Amedî yê vera Kongreya Komelê Demokratîkî (KCD) çar rojî verê cu 12 kesî ameybî destbendkerdene, înan çar kesî ameyî tepiştene.

Badê muameleyanê dozgerîye rojnameger Hakki Boltan, îdarekarê Partîya Demokratîke ya Şaran (HDP) yê bajarî Edîp Bînbîr, endamê Meclîsê Şaredarîya Sûrî yê HDPyî Omer Filitoglu, emdamê Kongreya Îslamê Demokratîkî (DÎK) Mele Emîn Ay, endamê ESMyî yo ke pabesteyê KESKî yo Medenî Tutşî û îdarekarê verênî yê HDPyî Çîgdeme Ektî, Hemsereka verên a MEBYA-DERî Ayşe Dîcle û Mekîye Guzel, Halis Bilen, Vezir Tekin û Vahap Gunay bi îdîaya ''endamîya rêxisitne'' bi waştişê tepiştişî sewqê Dozgerîya Ceza ya Sulhî ya Nobetdare bîyî.

Mehkeme de Edîp Bînbîr, Çîgdeme Etkî, Mekîye Guzel û Mele Emîn Ay ameyî tepiştene û ê bînî bi şerte kotnrolê edlîyî û qedexeyê vejîyayîşî teberî serbest ameyî veradayene.

Çarçewa eynî cipêrsayîşî de wextê destbendkerdişê Omer Fîlîtogluyî heta roja dişemeyî ame dergkerdene.

Mele Naîf Erdem badê îfadeyê asayîşî, Huseyîn Kaya zî badê muemeleyanê dozgerîye serbest verayîyayî.