Ciwanê HDPyî seba ke derheqê grevê vêşanîye yê tepişteyan ê vera tecrîdê serê Rayberê Şarê Kurdî Abdullah Ocalanî Parka Koşuyolu ya Amedî de ameyî têhet. Polîsan pê TOMA û wesayîtanê zirxinan parke girewt binê ablûqa.

Wekîla HDPyî ya Amedî Semra Guzele polîsan reyde qisey kerd ke wa ablûqa wedarê la polîsan ard ziwan ke destûrê çalakîye nêdanê. Çalakwanan pê sloganan polîsî protesto kerdî.Mayayanê Haştîye kurdkî deyîrî vatî. seba ke destûrê çalakîye nêdîya,ciwanan eşkerayîya nuştekîye daye û bale ante xoverdayîşê zîndanan ser. Eşkerayîye de ame vatene ke azadîya Abdullah Ocalanî hêvîya heme şaran ê dinya ya. Coka na hêvî îqîtîdarê AKP-MHPyî tersnena û ame vengdayene ke wa paştî bidîyo tepişteyan ke tecrîd bêro wedaritene û zîndanan ra cenazayî mevejîyê.