Amed de domanêke şewat de merde

Qezaya Baglarî ya Amedî de vizêr keyeyêk de şewat vejîya û tede domanêke merde.

Taxa Ortaorenî ya qezaya Baglarî ya Amedî de keyeyêk de şewat vejîya ke semedê şewatî nêno zanayene. Cîrananê keyeyî xebere daye îfaîyayan û şewat ame hewnkerdene.

Domanêka bi nameyê Hîlale Yildiz (4) binê tesîrê dûyê şewatî de mende û ameye berdene bi Nêweşxaneyê Domanan û Cinîyan ê Amedî. Domane rîxmê pêro xîretan zî nêweşxane de  wefat kerd.