Partîyê kurdan bi rojdemê yewîya neteweyîye Amed de kom bîyî. Yeno pawitene ke birê girîngî do bêrê girewtene.

Temsîlkarê Kongreya Komelê Demokratîkî (KCD), Partîya Demokratîke ya Şaran (HDP), Partîya Herêman ê Demokratîkan (DBP), Komeleya Kurdan ê Demokratan ê Şorişgêran (DDKD), Partîya Demokrate ya Kurdîstanî-Tirkîya (PDK-T), Partîya Demokrate ya Kurdîstanî-Vakur (PDK-Vakur), Partîya Merdiman û Azadîye (PÎA), Têgêrayîşê Azadî, Partîya Komunîstanê Kurdîstanî (KKP) bi rojdemê ''yewîya neteweyîye'' Merkezê Pêroyî yê Partîya Herêman ê Demokratîkan a Amedî de kom bîyî. Temsîlkarê Partîya Sosyalîstanê Kurdîstanî û Partîya Azadîya Kurdîstanî tewrê kombîyayîşî nêbîyî.

Yeno pawitene ke kombîyayîşî de ke seba çapemenîye girewte yo tarîx û tedeyê komxebeta ke bi beşdarîya partîyanê ke Tirkîya de û herême de sîyaset kenê bêro kerdene û rewşêke bêra awankerdene. Kombîyayîşî de ame armanckerdene ke tedeyê pêvînayîşanê heyetan bêrê ercnayene ke nê heyetî dima ke do bêrê awankerdene Ewropa, Herêma Federale ya Kurdîstanî û Vakur û Rojhelatê Sûrîye de  kombîyayîşan bikê. Ame zanayene ke kombîyayîşî de herinda partîyan, rêxistinan û terefan de têna şarê kurdî sey esas do bêro girewtene.