Rêxistina DBPyî ya Amedî bi çalakîyêka eşkerayîye grevê vêşanîye rê selam kerd û tecrîdê vera Rayberê Şarê Kurdî protesto kerd.  Îdarekarê HDP û BDPyî, Wekîla Amedî Remzîye Tosun, endamê TJA, Komeleya Huqûqnasan a Seba Azadîye (OHD), MEBYA-DER, TUAY-DER Parka Koşuyolî de tewrê eşkerayîye bîyî.

Hemsereka DBPyî ya Îstanbulî Sevale Gulmez eşkerayîye de qisey kerd û vat: ''Grevê vêşanîye yê tepişteyan ê vera tecrîdê Îmraliyî 55 rojî yo dewam keno. Meseleyê zîndanan tesîrê pêro komelî kenê û îqtîdar nê meseleyan peygoş keno. Tepişteyî vera Korona û binpaykerdişan têkoşîn kenê. Ma sey DBP wazenê ke cade tecrîdê vera Birêz Ocalanî bêro wedaritene, meseleyê zîndanan pê dîyalogan çareser binê. Ma venga selahîeytdaran danê ke wa wezîfeyê xo bîyarê ca û venga şarî danê ke na babete de wa hîsger bibo.''

Eşkerayîye pê sloganê 'Biciwîyo xoverdayîşê zîndanan' qedîyaye.