Amed de xeylêk avûkatî ameyî destbendkerdene

Amed de operasyonê qirkerdişê sîyasî de Hemsereko Pêroyî yê OHDyî Bunyamîn Şeker zî tede 17 avûkatî ameyî destbendkerdene.

Çarçewa tehqîqatê KCDyî de polîsan eşt xeylêk keyeyanê avûkatan ser û Hemsereko Pêroyî yê OHDyî Bunyamîn Şeker zî tede 17 avûkatî destbend kerdî. Polîsan dest na pc, kitab û xeylêk materyelanê dijîtalan ser.

Nameyê avûkatan ê destbendkerdeyan wina yê:  Bunyemîn Şeker, Abdulkadir Guleç, Eshat Aktaç, Serdar Talay, Îmran Gokdere, DÎyar Çetedir, Serdar Ozer, Ferîde Laçin, Gevrîye Atli, Resul Tamur, Cemîle Turhalli Balsak, Ahmet Kalpak, Devrim Bariş Baran, Neşet Girasun, Sedat Aydin, Şivan Cemil Ozen û Haknaz Sadak.”

Avûkatî ameyî berdene bi Mudirîya Polîsan a Amedî.