Merkezê Çapemenî û Îrtîbatî yê HPG’yî derheqê çalakîyanê gerîlayan de eşekrayîyêk daye û nê pare kerdî:

Silopî De Çalakîya Sabotajî

Artêşa Tirkî ya îşxalkare  xewtêko Silopî yê Şirnexî de mabênê dewanê  Tepê Nasir û Xinisî de rayîrê asayîşî virazena. Hêzanê ma 16’ê Nîsane de vera makînayanê gureyî yê Têpe Nasirî çalakîya sabotajî viraşte. Çalkîye de makînayêk ameye îmhakerdene. Derheqê merde û birîndanê dişmenî de zanayîş nêame girewtene. Îşxalkaran çalakîye ra dima herême de dest bi operasyonî kerd û heman roje de peyser anciyayî.

Lecê De Çalakîya Sûîqastî

15’ê Nîsane de vera şanî hêzanê ma Licê ya  Amedî de çalakîya sûîqastî viraşte.  Eskerî ke Qilê Koxê de ameyîbî cakerdene, ameyî pirodayene.  Çalakîye de eskerêk merd. Çalakî ra dima artêşa Tirkî bi obus û havanan dormeyê xo bombarduman kerd.

Pîran De Operasyon

17’ê Nisane de artêşa Tirkî ya îşxalkare Pîranê Amedî û herêmanê  Zîyaret, Çûkûla, Gorsê û Tenegrapî yê  Mîyaranê Xarpêtî de dest bi operasyonî kerd û 21’ê menge de destveng peyser agêrayî. 1’ê Adare de zî heman cayan de operasyon ame destpêkerdene û 3’ê Adare de bêpeynî qedîya.  Hêzê dişmenî bi xebaranê zûran vanê ke înan malzemeyê hêzanê ma visto dest û nê xeberê zûrî leteyêkê şerê psîkolojîkî yê.

Çalakîya Sabotajî: 3 Eskerî Ameyî Kiştene

22’ê Adare de arteşa Tirkî ya îşxalkare bajarekê Berîkî yê qezaya Mîyaranê Xarpêtî  û  dewanê Pirêjmanî yê Pîranê Amedî de yewîyê xo yê nimteyî ca kerdî. Hêzanê ma heman roje vera înan çalakîya sabotajî viraşte, 3 eskerî ameyî kiştene û xeylî zî birîdar bîyî. Çalakî ra dima herême de operasyon ame destpêkerdene û roja bîne bêpeynî peyser ame antene. Operasyon de vîndîbîyayeyê ma çîn ê.