Amedî de  sereştişanê keyeyan de 7 kesî ameyî destbendkerdene. Qezaya Hezexî yê Şirnexî de kontrolê rayîrî de ciwanêkê bi nameyê Mervan Dundar bi îdîaya derheqê ci de bira cîgêrayîşî esta ame destbendkerdene.

Amed

Cendirmeyan Amedî de eşt tay keyeyan ser. Sereştişan ra dima keyeyî ameyî cigêrayene û 7 kesî ameyî destbendkerdene. Ame zanayene ke 7 kesê ke bi îdîaya ''muxalefetkerdişê vera qanûnê 6415. ê astengkerdişê fînanskerdişê terorîzmî'' yenê sucdarkerdene ameyî berdene bi Fermandarîya Cendirmeyan ê Amedî.

Şirnex

Ame îdîakerdene ke derheqê Dundarî de Colemêrgî de dewayêke ameye akerdene. Dundarî ame berdene bi Mudirîyetê Asayîşî yê Hezexî. Yeno pawitene ke Dundar tîya ra bêro berdene bi Colemêrgî. Amedî verê cû  zî kesanê ke xo sey polîsan dabi şinasnayene kerdibi ke Dundar biremnê. Dundarî dima asayîşî de gerra kerdibi û muracatê Komeleya Heqanê Merdiman (ÎHD) kerdibi.