Amed û Dêrsim de xeylêk kesî ameyî destbendkerdene

Amed û Dêrsim de sereştişanê keyeyan de hemserekê HDPyî zî tede xeylêk kesî ameyî destbendkerdene.

Amed û Dêrsim de serê sibayî polîsan eşt zaf keyeyan ser û hemserekê HDPyî zî tede xeylêk kesî destbend kerdî

Amed

Amed de sereştişan de îdarekarê HDPyî yê Amedî Îrfan Soner û hemserekê HDPyî yê Baglarî Mehmet Atlihan û hemserekê HDPyî ya Yenîşehîrî Sadrettîn Kaya ameyî destbedkerdene.Semedê destbendkerişan nêno zanayene. Kesê ke ameyî destbendkerdene ameyî berdene bi Mudirîyetê Asayîşî yê Amedî.

Dêrsim

Merkezê Dêrsimî de zî ewro serê sibayî polîsan eşt cayê wendekaran, keyeyanê wendekeran û HDPyîjan ser. Sereştişan de 10 kesî ameyî destbendkerdene. Kesê ke semedê destbendkerdişê înan nêno zanayene ameyî berdene bi Mudirîyetê Asayîşî yê Dêrsimî.

Reyna Wan, Mêrdîn û Anqara de zî çarçewa operasyonê qirkerdişê sîyasîyî de bi desan kesî ameyî destbendkerdene.