Koma MA Anqara, Îstanbul û Îzmîrî ra dima Amed de zî konserêk kerd. Konser salona Tîyatroyê Şaristanî yê Amedî de ame kerdene û xeylêk kesî tewrê ci bîyî.

Koma MA konser de deyîrê sey Kezî, Govendê, Dola Zêbarê, Şalûlvan, Nexşê Mîrza, Fadikê, Yar Gijlokê, Solo Rîtîm, Seydik, Dîleman, Kela Xoyê, Hey Dad, Erê Gulê, Hoy Dil û Mestûre vatî.

Konserî ra dima hunermend Mesûd Geverî şarî rê sipas kerd û pare kerd ke turneya înan 1ê sibate de do biqeda. Geverî pare kerd ke ameyeyê konserî do bêro dayene kampanyaya 'Xezînaya ma şarê ma yo' ya HDPyî.

Hesabê xezîna yê HDPyî amebi blokekerdene û naye ser o HDPyî seba weçînayîşî kampanyaya hetkarîye dabî destpêkerdene.