Sînemaya Amûdê 13ê teşrîna peyên a 1960î de bi zanayîş ame vêşnayene. Nê prosesî de zafê înan kurdî 300 domanî sînema de bî û înan ra 283 domanan dinyaya xo bedilnaye.

Hetê Roşnvîranê Herême Cizîre û xeylêk dezgehanê bînan ra Bexçeyê Şehîdan de vizêr  mumî ameyî tafînayene û ewro zî eynî cade aktîvîteyêke ameye organîzekerdene. Baxçe de taployê Mihemedê Edûlê ameyî rmaojnayene û pê merşê Ey Reqîpî şehîdî ameyî vîrardene. Dima ra bi nameyê Komîteya Domanan ê Sîlva Şêxmûs Şilêrî eşkerayîye ameye dayene.

Hemserekê Komîteya Kulturî ya Herêma Cizîre Îlyas Sîdoyî ke merasîm de bi nameyê Îdareyê Xoserî qisey kerd ard ziwan şar hema dejê nê qirkerdişî anceno û vat: ''Dişmenî ke waşt neslê kurdan qir bikero domanê Amûdê hedef girewtî. Çunke Amûdê  tim xover dana û paştî dana heme leteyanê bînan ê Kurdîstanî.''

Emîn Ebdulselamo ke şewatî ra weş xelisîya ê zî ard ziwan ke no qirkerdiş zanaye ame kerdene û vat eke no qirkerdişê meqewimîyayêne nika nika Amûdê de 280 keyeyî zarfêr bî.

Yadkerdişî ra dima tîyatroyê domanan ame ramojnayene û aktîvîte bi deyîran û şîîaran qedîyaye

.