Fermandaranê HPGyî ra Hakî Armancî vat: ''Têgêrayîşê ma pê her war de têkoşînî dest pê serra 2021î kerd. Gerîlayê Kurdîstanî seba azadîya Rayber Apoyî, seba çinkerdişê tecrîd û faşîzmî do wezîfe û mesuldarîya xo bîyarê ca.''
Fermandaranê HPGyî ra Hakî Armancî derheqê hêrişanê dewleta tirke yê vera gerîlayan û kombîyayîşê Konseya Fermandarîye ya HPGyî de Radyoyê Dengê Welat rê qisey kerd.
Qiseykerdişê Hakî Armancî ra beşêk wina yo:
''Nika dewleta tirke ya îşxalkere hêrişê pêro parçeyanê Kurdîstanî kena. Vakur de vera gerîlayan şerêko giran yeno kerdene. No war seba ma zaf girîng o. Ma kombîyayîşê xo de zî şerê Vakurî ercna. Asta nikayêne de potansîyelê ma yê Vakurî bi temamî nekewt pratîk. Vakur de hêzêkê ma yo pîl esto.
Xora warê Vakurî de tay kêmasîyê ma estê. Ma rexneyê kêmasîyan dayî. Dêrsimî ra heta Serhedî, Amanosan ra heta Botanî pêro eyaletan de ma çalakîyê serkewteyî kerdî, derbê giranî dayî dişmenî ro. La seke mi vat ma eşkayêne zêdêr serkewtişî bivisnê destî. Vera destkewteyanê kurdan û Rayber Apoyî hêrişî dewam kenê. Ganî ma zêdêr derbî bidîyêne dişmenî ro, firsendî estbî.
Par tay şaristanan de bi nameyê yildirimî operasyonî ameyî kerdene. Sebebê nê operasyonî şero psîkolojîk, tersê vera gerîlayan bîyî. Destpêkê 2020î de zî bi nameyê Erenî Tendurek de operasyonî dîyabî destpêkerdene. Amed de operasyonêko pîl dîya destpêkerdene nika zî Agirî de bi nameyê Eren3 operasyon yeno kerdene.
ê pê nê operasyonan xîret kenê ke verê gerîlayan bigêrê. La nêeşkenê netîce bigêrê. Serra 2020î de xeylêk operasyonî ameyî kerdene. Xêrê çalakîyanê embazan ra nê operasyonî ameyî puçkerdene. Embazanê ma Licê de operasyonêko serkewte kerd. Dişmenî îdîa kerd ke têna 3 leşkerê înan tede birîndar bîyî la înan zerarêko pîl da. Ma pê bawer ê ke emser do dişmen birijnê.
Têgêrayîşê ma pê her ca de têkoşînî dest pê serra 2021î kerd. Gerîlayê Kurdîstanî seba azadîya Rayber Apoyî, seba çinkerdişê tecrîd û faşîzmî do wezîfe û mesuldarîya xo bîyarê ca. Ma pê înan bawer ê. Ma do qetî vera dişmenî do ser bikewê. Firsendêkê ma yo winasên esto.
Dewlete pê pêro teknîk, kontra û xayînan zî nêeşkaye ser bikewa. Eke ma newera awankerdişê HPGyî de isrardar bibê, ma bi hawayêkê baldarî înan teqîb bikerê, berpirsîyaranê xo bîyarê ca ma do ser bikewê. Başûr û Heftanîn de mîsalê net dîyayî.''
