Artêşa tirke Herêmê Pawitişî yê Medya dayî bombayan ver
HPGyî pare kerd ke teyarayanê artêşa tirke ya îşxalkere herêmê Qendîl, Zap û Avaşînî yê Herêmanê Pawitişî yê Medya dayî bombayan ver. Hêrişan de zerarêk nêresa gerîlayan ser.
Merkezê Îrtîbatî û Çapemenîye yê HPGyî da zanayene ke vera Herêmanê Pawitişî yê Medya hetê artêşa tirke ra tay hêrişî ameyî kerdene.
HPGyî bombardumanan ser o nê agahîyî dayî:
''31ê kanûna 2020î de dewê Silê, Golgamiş, Bêpalan, Tutmê û Girê Casusan ê herêma Qendîlî pê teyarayanê şerî dîyayî bombayan ver. 1ê çeleyê 2021î de dewa Rênçberaxayî ya warê Çemçoyî, warê Saca û dormeyê Awa Zapî yê Zapî dîyayî bombayan ver. Heman roje warê Şehîd Dîrenî yê herêma Avaşînî pê teyarayanê şerî dîya bombayan ver.
Nê bombardumanan de zerarêk nêresa hêzanê ma ser.
