Talankerdişê xozaya Kurdîstanî parçeyêkê polîtîkaya qirkerdişî yo. Artêşa tirke bi serran o daristananê Kurdîstanî vêşnena û birnena. Talankerdişê xoza Vakurê Kurdîstanî de dewam keno. Dewleta tirke nê talanî derbazê Başûrê Kurdîstanî zî kerdî.

Artêşa tirke kanûna 2022yî de neçare mende ke xeylêk waranê Zapî ra xo apey bianca. Wexto ke mîyanê kamp û çeperanê artêşa tirke ra gêrena şahîdîya wêrankerdişê xoza kena. Wexto ke nê cayan ra gêrena talan û wêrankerdişê xoza keweno verê çimê mi. Dewleta tirke wêrankerdişê xoza reyde sûcê xo yê qirkerdişî zêdînayî. No talan hişmendîya dewleta tirke zî eşkera keno. Mi verî eşnawitbî artêşa tirke wexto ke darî birnayêne tay gerîlayî daymîş nêbenê danê piro û wina şehîd benê. Dewleta tirke heywanê koyanê Kurdîstanî zî bi bombardumananê giranan qetil kerdî.

Wexto ke merdim nê pêro kerdişan fikirîyeno vîneno ke dewleta tirke sûcê wêrankerdişê xoza zî zêdînayê.