Artêşa tirke ya îşxalkere rojanê peyênan de hêrişê xo yê vera Başûrê Kurdîstanî zêdînayî. Hedefê hêrişan de têna gerîlayî nê heme Başûrê Kurdîstanî est o.

Rîyê bombardumanê artêşa tirke ya îşxalkere ra dewanê Dergelê, Bezê û Mîska yê Metîna de şewat vejîyabi, inkey zî dewanê Mijê, Kevne Mijê û Spîndarê yê Garê de şewat vejîya.

Şewato ke netcîya hêrişê artêşa tirke ya îşxalkere ya ke Girê Amêdîye de xo ca kerdo, vejîya heta bax bexçe û dewan de dewam kerd. Şarê herême ke wazeno şewatî hewna bikero hetê selahîyetdaranê PDKyî ra yeno astengkerdene û şewatî rê mudaxale nîno kerdene.