Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye. Eşkerayîye wina ya:

''Netîceya çalakîyanê hêzanê ma de Zap de 1 îşxalker ame cezakerdene. Artêşa tirke ya îşxalkere mewzîyê xoverdayîşî pê bombaya qedexekerde 1 reye, pê çeka kîmyewîye 7 reyî û bi desan reyî pê obus, hawan, tank û çekanê giranan dayî bombayan ver.

Detayî wina yê:

Çarçewa Hemleya Şorişgêre ya Bazanê Zagrosî de herêma Zapî de;

13ê çeleyî de herêma Çemçoyî ya bajarekê Şêladizê yê Amediyê de îşxalkerî pê çekanê giranan 2 reyî ameyî pirodayene û 1 îşxalker ame cezakerdene.

Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê;

13ê çeleyî de mewzîyê xoverdayîşî yê Çemçoyî pê bombaya qedexekerde 1 reye pê çeka kîmyewîye 7 reyî dîyayî bombayan ver.

Hêrişê bînî yê artêşa îşxalkere;

13ê çeleyî de dormeyê awa Lolanî yê Xakurkê, warê Girê Şehîd Kamuranî, Warê Xoverdayîşî yê Girê FMyî, herêma Çemçoyî û nêzdîyê dewa Sîda de mewzîyê xoverdayîşî yê gerîlayan dîyayî bombayan ver.''

https://anfkirmancki.com/kurdistan/gerilayan-pe-cekane-giranan-da-piro-31829