Merkezê Çapemenî û Îrtîbatî yê HPG’yî da zanayene, hêzanê înan çarçeweya Hemleya Şorişgêre ya Şehîd Bager û Şehîde Ronya ya ke Wareyê Pawitişî yê Medya de yena domnayene de, bi wesîlaya serrgêra şahadetê Zeynep Kinaci (Zîlane) ya ke 30’ê Hezîrane 1996 çalakîya fedayîye  viraşta, vera artêşa Tirkî ya îşxalkare çalakîyî viraştî.

HPG’yî derheqê çalakîyan de nê pare kerdî:

“23’ê Hezîrane saete 09.05 de hêzanê ma Girê Şehîde Rahîme yo ke girêdayîyê qezaya Geverî yê Colomergî de vera artêşa Tirkî ya îşxalkara ke xebatanê rayîrê asayîşî kena çalakîyêk viraşte.  Mewzî û makînayê karê yê dişmenî di hetan ra ameyî pirodayene. Na çalakîye de hûmara merd û birîndaranê eskeranê dişmenî nêameye tesbîtkerdene. Çalakîye ra dima îşxalkaran wareyê çalakîye bi obus û topanê hewayî yewer bombardûman kerd.

Eynî roje hêzanê ma saete 19.30 de qezaya Çelê ya Colêmêrgî de û Wan de nêzdîyê dewa Çemê Bedelî de vera kontra ya artêşa Tirkî ya îşxalkara ke ca dayo xo, çalakîye viraşte. Hêzanê ma hîrê hetan ra da eskeranê dişmenî ro û na çalakîye de 5 eskerî ameyî kiştene, holikêka dişmenî û wesayîtêk eskerîye zî derbî girewtî.

24’ê Hezîrane de hêzanê ma saete 11.30 de serê rayîrê mabênê Giranê Şehîd Fermanî û Şehîd Elîşêrî de vera yewîya artêşa Tirkî ya îşxalkare çalakîya sabotajî viraşte. Na çalakîye de 3 eskerî ameyî kiştene û 3 eskerî zî bî birîndar.

Gerîlayanê YJA Starî 8 îşxalkarî kiştî

Eynî roje saete 19.35 de hêzanê ma yê YJA Starî  Wareyê Meydankê yê Geverê Colemêrgî de vera artêşa Tirkî ya îşxalkare çalakîyêk viraşte. Hêzanê ma 2 hetan ra da îşxalkaran ro û na çalakîye de 8 îşxalkarî ameyî kiştene û xeylî eskerî zî bî birîndar.

Azarpêrt de operasyon

19’ê Hezîrane de saete 00.10 de artêşa Tirkî ya îşxalkare wareyê Karerî yê Azarpêrtê Çewlîgî de operasyonêk da destpêkerdene û saete 02.00 de hêzê îşxalkarî bi teyareyanê şerî û helîkopteran ware bombardûman kerd. Dimayê bombardûmanî artêşa Tirkî ya îşxalkare bi helîkopteranê Skorskyî eskerî ware de ronayî. Dimayê ronayîşê eskeran pêkewtişanê giranan dest pêkerd. Nê şerî de 2 hewrayanê ma, dimayê xoverdayîşêkê qehremankîyî şehîd kewtî. No operasyon 20’ê Hezîrane de ware ra ame antene. Nasnameyê hemrayanê ma yê ke şehîd bîyî  bado do rayapêroyî reyde bêrê parekerdene.

Hêrişê  Hewayî

Teyareyanê şerî yê artêşa Tirkî ya îşxalkare Herêmê Pawitişî yê Medya bombardûman kerdî. Goreyê naye zî: 23’ê Hezîrane de mabênê saetanê 23.00 û 00.00 de wareyê Kunîşka yê Zapî de, 24’ê Hezîrane saete 13.00 de Wareyê Cîloyê Qijî yê Zapî û saete 13.30 de wareyê Xinêrê yê Xakurkê ameyî bombardûmankerdene. 25’ê Hezîrane de zî (ewro) saete 00.30 de wareyê Xantûrî yê Heftanînî ame bombardûmankerdene. Nê bombardûmanan de tu zirar nêresto hêzanê ma la cayê ke ameyê bombardûmankerdene birran şewatî ra zirar dî.”