Hêrişê Dewleta Tirkî ya îşxalkare yê vera cayanê sivilan ê Başûrê Kurdistanî dewam kenê. Vizêr reyna dewê Xelîfan û Sîranî ameyî bombardûmankerdene.

Dewleta Tirkî bi waştişê vengkerdişê dewanê derûdorê Bradost û Xakurkê cayanê sivîlan ser o bombayan varnena. Bînşewe reyna dewê Xelîfan û Sîranî yê qezaya Soranî yê Başûrê Kurdistanî ameyî bombardûmankerdene. Netîceyê hêrişî de bax û baxçeyanê şarî û erazî de şewat vejîya. Derheqê vîndîbîyayîşê ganî de zanayîşêko zelal nêame girewtene. Ame zanayene ke dimayê hêrişê  helîkopteran teyareyê şerî serê dewanê ra gêrayî ke şar biterso û cayê xo caverdo.