Meclîsê Xoserîya Demokratîke ya Şingalî virzêr veng dabi şarê Şingalî ke wa ewro vera plananê Iraqî verê merkezanê asayîşî yê Şingal, Sinûnî û Xanesorî de bêro pêser. Şarê Şingalî ke saetanê serê sibayî yê rewî ra verê merkezanê Asayîşê Êzidxanî de dest pê xoverdayîşî kerd vera qerarê Iraqî nêrazîbîyayîş ramojna.

Bi nameyê êzidîyan heyetêk saetanê serê sibayî  selahîyetdaranê Iraqî reyde ame têhet la selahîyetdaranê iraqijan waştişê êzidîyan qebul nêkerd û vat do Asayîşê Êzidîyan bêrê qefilnayene. Nayî ser o çalakwanan verbi merkezê Şingalî rayra şîyî. Çalakwananê ke rayîr de adir fîna ta ard ziwan ke heta ke waştişê înan bêro ca ê do çalakîyan rê dewam bikerê. Badê rayraşîyayîş û çalakîye selahîyetdaranê Iraqî reyna qerarê pêvînayîşî girewt. Heyetê da zanayene ke selahîyetdaranê Iraqî qebul kerd ke do merkezê asayîşî yê Şingal, Sinûnî û Xanesorî nêrê qefilnayene.

Çalakwanan badê netîcegirewtişî çalakîya xo qedînaye. Dima ke Bexdad û Hewlêrî derheqê Şingalî de pêkerd, hukmatê Iraqî qerar girewt ke do merkezê Asayîşê Êzidîyan bêrê qefilnayene.