Tepişteyê bi nameyê Ahmet Nas, Ercan Daşkesen, Veysî Altan, Şîfa Erdogan, Ridvan Kaya û Sûat Okûro ke Zîndanê Tarsûsî yê Mersînî yê Tîpê T’yî yê Hûmara 3 de bî roja 19’ê Temmuze Zîndanê Turkoglû yê Mereşî yê Tîpê L’yî yê Hûmara 1’î yo ke newe ameyo akerdene rê ameyî sewqkerdene. Labelê tepişteyî wextê sewqî de û zîndano ke ameyî berdene de rastê heqaret, zext û îşkenceyê psîkolojîk û fîzîkkîyî ameyî.

Nê tepişteyan ra Ahmet Nasî vat ke gama ke înan bi wesayîtê rîngî ameyê berdene rayîr de leşkeran ro înan heqaret û muameleyo xirab kerdo. Nasî bi rayîrê keyeyê xo nê vatî: “Gama înan ma ardî nê zîndanî ma rastê bicaardişanê teberê merdimîye ameyî. Înan dekewtişê zîndanî de bi hawayêkê viranî sehnayîşî ma ser o ferz kerd ma qebul nêkerd. Labelê înan bi şuxulnayîşê zorî û kerdişê îşkenceyî waşt ke nê bikerê. Dima ra înan ma berdî cayêkê sey înşaatî. Nika zî ma ser o nîzamê leşkerîyî de mardişî ferz kenê. Asayîşê ganê ma çino. Ma veng danê pawitoxanê heqanê merdiman û rayapêroyîye ya hîsdare ke gureyê xo bikerê.”

Serê nê îdîayan ra personelê santralê zîndanî yo ke ma bi telefon ci rê gêrayî, bi mazeretê kesêko selahîyetdar çino vat nêeşkeno hayîdarîyêk bido.