Vizêr nêmroje ra dima cerganê DAÎŞî hêrişê Kampa Multecîyan a Şehîd Rûstem Cûdîyî (Mexmûr) kerd. Hêzanê Pawitişî yê Mexmûrî hêrişê cergan ferq ked û cade mudaxele kerd. Şer de herême de 2 cergî ameyî kiştene û 3 hemwelatîyê sivîlî birîndar bîyî. Hemwelatîyî ameyî berdene bi nêweşxaneyê kampe. La  seba ke derman û îmkanê tibî kêm bîyî birîndarî ameyî berdene bi nêweşxaneyê Hewlêrî.

Goreyê zanayîşan asayîşê PDKyî destûr nêda ke birîndarî dekewê nêweşxaneyî. Eşkera bi ke birîndarî saetêke bendê kontrolî de ameyî vindertene û dima bi mabênçîya hêzanê Iraqî asayîşî destûr da ke birîndarî şorê nêweşxaneyî. Asayîşî destûr nêda ke wesayîtê şarî debikewê Hewlêr û Hewlêrî ra wesayît waşt. Vera na rewşe hemwelatîyanê Mexmûrî nêrazîbîyayîşê xo mojna û hêrs bîyî. Hemwelatîyan waşt ke PDK cade nê têgêrayîşê xo yê şaşî ra abigêro ke hemwelatîyanê Mexmûrî seba pawitişê Hewlêrî vera cerganê DAÎŞî xo ver da û hêrişê cergan serra 2014î de çin kerdî.