Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîye daye. Eşkerayîye wina ya:

''Çarçewa Hemleya Şorişgêre ya Bazanê Zagrosî de herêma Avaşînî de;

20ê temmuze de warê Girê Sorî de vera îşxalkeranê ke waştêne dormeyê tunelanê şerî de ca bidê xo hêzanê ma çalakîyêke kerde. Çalakîye de îşxalkerê ke derbê giranî werdî neçare mendî ke xo qademeyêk apey biancê.

20ê temmuze de artêşa tirke ya îşxalkere pê teqaberan û gazê jehrînî hêrişê tunelanê şerî yê Werxelê yê Avaşînî kerd û heman roje tunelê şerî yê Girê Sorî dayî bombayan ver.

20ê temmuze de waranê Girê Silêman, Girê Sipî, Banista, Tabûra Ereban û Merwanosî yê Avaşînî de têgêrayîşê helîkopteran qewimîyayî û qerajê Dewa Dirê, Stûna, Basya û Werxelê dîyayî bombayan ver.

20ê temmuze de warê Şehîd Şahînî yê Zapî hetê qereqolanê sînoran ra pê obusan dîya bombayan ver.

Nê hêrişan de zerarêk nêresa hêzanê ma ser.''