Endama Konseya Hemserekîya Pêroyî ya KCKyî Sozdar Avesta semedê şehadetê Mam Beşîrî (Hasan Dutar) mesajê seweşîye şawit.

Mesajê Avesta ra qismêk wina yo:

''Komelê êzidîyan û Têgêrayîşê Azadîye yê Kurdî Şingal de serkêşê xo yo ercîyaye vînî kerd. Hemra Hasan Dutar (Mam Beşîr) şehîd kewt. Ez embaz Beşîrî bi heskerdiş û hurmetî yad kena. Rîyê nê şehadetê bêwextî ra ma qehrîyaye yê. Wa sereyê keyeyê ma yê welatperwerî, komelê êzidîyan, Rayber Apo, Têgêrayîşê Azadîye û heme embaz û dostan weş bo. Raşta zî ma şehedato winayên nêpawitêne. Dejê ma pîl o.

Badê şehadetê hemrayanê ma Mam Zekî, Zerdeşt, Ezdîn, Pîr Hamît û Ciloyî nê şehadetî ma zaf ma dejna. Hemra Beşîrî pêroyê emrê xo de semedê azadîye seyyewbînîye û edaletî mucadele kerd. Embaz Beşîr û Mam Zekîyî pîya bi felsefeya Rayber Apoyî mucadale kerd. Şarê kurdî û komelê Êzidxanî deskewteyê xo xeyrê nê serkêşan fînayî dest. Embaz Beşîrî rixmê serranê xo sey ciwanan gureyayêne. Hem mucadelê neteweyî rayraberdene hem zî seba êzidîyan mucadele kerdêne.

2 mengî verî binê nameyê qanûnî de vera Şingalî pêkerdişêk ame kerdene. No pêkerdiş semedê qirkerdişê Êzidxanî ke xo wela xo ra newe aferna, yo. Înan dî ke komel çîn nêbeno û wayîrê nasname û xoserîya xo vejîyeno. Înan dî ke êzidîyî hînî xo pawenê, destûr nêdane doman û cinîyê înan bazaran de bêrê rotene. Bi pêkerdişê 9ê teşrîna verêne ke wazenê ke nê komelî çîn bikerê. Embaz Beşîr şehîdê nê xoverdayîşê pîlî yo. Komelê Ezidxanî teber û zere de xover dano. Bitaybetî Şingal de şar her hele payan ser o. Serkêşanê nê xoverdayîşî ra yew zî embaz Beşîr bi. Ma sey komel û şarê Kurdîstanî do na xeta anorkî teqîp bikerê. Ganî şarê ma dişmenanê xo hol bizano. Ma ra têna yew zî bimano ma do rêça hemrayan Beşîr û Zekî de aver şirê. Êyê ke qirkerdişê Êzidxanî wazenê nê berpirsîyarê nê şehadetî zî yê.

Zerrîya ma vêşena la dejê pîlî her wext eşkenê biaçarîye serkewtişanê pîlan. Şexsê embaz Beşîrî de ez heme şehîdanê Kurdîstanî yad kena û veng dana ciwananê Ezidxan û Kurdîstanî ke wa wayîrê nê şehadetî vejîyê û tewrê mucadeleyî bibê. Ez venga keyeyê Mîrî  û meclîsê rûhanî dana ke wa cayê îqtîdarî de nê mucadele de saf tepişê. Kayana mexapîyê. Ganî keda Mam Zekî, Mam Beşîr, Agît Civyan û bi seyan şehîdan rê wayîr bêro vejîyayene. Ganî semedê azadîye mucadele bêro kerdene. Şehîdî nêmirenî.''