Awanîyê tarîxkî yê Malatya yê ke bi serran xeylî kultur û şaran rê berê xo akerdê, hemberê xeterê çinbîyayîşî de yê.

Qesrê Boztepe yê taxa Goztepeyî rîyê bêxemîye ra rijîyeno. Tayê awanîyê tarîxkî zî rîyê şewatan ra xesar dîyo. Keyeyê tarîxkî yê merkezê bajarî rewşêka xirabe de yê. Hemwelatijê Goztepeyî vanê: “Bêhurmetîya ke Qesrê Boztepeyî yo tarîxkî merkezê Malatya de bi halêko rijîyaye ameyo verdayene. Şaredarîye qaşo seba pawitişî barîyerê asinî dayê der û dorê qesrî. Ma fam nêkenê nê barîyerî çinayî rê benê. Kemerê zereyê qesrî yê ke ser o fîgur û nuşteyî estê, bîyê sey lodanê silondî.”