Endama Koordînasyonê PAJKî Aytene Dersim derheqê Komployê Mîyanneteweyîyî û sîstemê îşkence û tecrîdî yê 26 serran de ANFyî rê qisey kerd.

Aytene Dersim ard ziwan ke Rayberê Şarê Kurdî xora hetê fikr û felsefe ra azad o û vat: ''Semedê caardişê azadîya fîzîkîye ya Rayberîye û statuyê Kurdîstanî têkoşîn do bi metodanê cîya cîyayan bêro rayraberdene. Ma sey Têgêrayîşê Cinîyan ê Kurdan têgêrayîşê Rayberîye yê. Rayberîye serkêşîye, felsefe û îdeolojîya xo pêard. Rayberîya ma seba ke cinîye bireso estbîyayîşê xo 50 serrî têkoşîn kerd û hema zî têkoşîn keno. Rayber Apo nêzdîbîyayîşê xeletî yê vera xo tim rexne kerdî hema zî rexne keno.

Rayberîye rayber û ronayoxê PKKyî yo. Rayberê Têgêrayîşê Azadîye yo. Famkardişê Rayberîye sey ey ciwîyayîş o. Ma tim rehatî vîjnenê, vanê Rayberîye zano. Rayberîye xora zano û keno la ganî ma zî bizanê û bikerê. Semedê rijnayîşê komplokaranê 15ê Sibate û sîstemê îşkenceyî yê Îmraliyî yê 26 serran, ganî cuyeya azade bêro pêardene, îradeyo azad bêro averberdene û ver bi komelê azadî bêro rayraşîyayene.

 Na cografya de heta ke şarêk azad mebo şarê bînî zî nêeşkenê bibê azad. Ganî ma vera komlopkaranê 15ê sibate paradîgmaya xo aver bêrê. Bi înşakerdişê sîstemê xo yê demokratîkî ma eşkenê nê komplokaran werte ra wedarê. Heta caardişê azadîya fîzîkîye ya Rayber Apoyî statuyê Kurdîstanî têkoşînê ma do bi  rayîr û metodanê cîya cîyayan bêro domnayene.''