Ahmet Arîf Dogan Çewlîg de 2018 de wexto ke 21 serre bi pa 4 embazanê xo tewrê DAÎŞî bîyo. Babîyê Ahmet Arîf Doganî Fatîh Doganî ajansê Mezpotamya rê qisey kerdbi û dabi zanayene ke lajê ey dima ke kesê bi nameyê F.S. de dest pê xebate kerd bi sempatîzanê DAÎŞî. Goreyê babî Ahmet Arîf Doganî 28ê êlula 2017î de keyeyî ra vejîya û dima tira xeberêne nêameye girewtene.

Babî Fatîh Dogan pê hesîya ke lajê ey nîsana 2020î de ameyo Tirkîya û dima agêrayo şîyo. Babî Fatîh Doganî da zanayene ke lajê ey bi hawayêkê îlegalî ameyo Tirkîya û beno ke hêrişêkê bi bombayan bikero.

Eşkera bi ke Ahmet Arîf Dogan (24) çarçewa tehqîqatê Qirkerdişê Garî de amebi destbendkerdene. Adara 2016î de vergumanê qirkerdişê Omer Haattab (Mehmedîn Baraç) pa Mucahît Atli, Samet Berdîbek û Ahmet Arîf Dogan Çewlîg de amebi destbendkerdene.

Wextê tehqîqatî de pê delîlan vejîya werte ke nê kesan DAÎŞî reyde têkilîye ronaya û Çewlîg de 'îstîxbratî' arê dayî. Rixmê hende delîlan zî nê kesî vera dîyayî. Nîsana 2016î de Baraç, Ahmet Arîf Dogan û Cîhat Yilmaz pîya tewrê DAÎŞî bîyî.

Dewleta tirke despêkî ra nata bi taybetî vera kurdan paştî dana DAÎŞî. No paştdayîş zaf reyî medyaya dinya de zî bibî rojdem. Weçînayîşê Amerîka ra dima Tirkîya seba ke îmajê xo bivurna vera DAÎŞî tay 'operasyonî' kerdî.

Nê operasyonî de heta nika tewr tay 40 kesî ameyî desbendkerdene.