Baroyê Amedî derheqê dewa, tehqîqat û tedaya vera endam û darekaranê xo de muracatê Mehkemeya Qanûnê Bingeyî kerd. Baroyî derheqê babete de eşkerayîyêke daye.

Baroyê Amedî ard ziwan ke baroyo ke seba haştî, demokrasî û heqanê merdiman têkoşîn keno dewrê pêro îqtîdaran de bi hawayêkê sîstematîkî ame hedefkerdene.

Baroyê Amedî pare kerd ke seba ke înan qeyûman, Qirkerdişê Armenîyan, grevanê vêşanîye de eşkerayîyî dayî bîyî hedefê tehqîqat û dewayan.

Baroyî eşkerayîya xo de wina vat: ''Îqtîdar seba ke erd bivisno pê îdîaya 'terorîzmî' ma sûcdar keno. Coka tay faalîyetê ma hetê dozgeran ra sey 'endamîya rêxistine' yenê ercnayene. Ma hêvî kenê ke Mehkemeya Qanûnê Bingeyî vera nê 'tacîzê hukmî'yo ke azadîya îfadekerdişî binpay keno  bira raştikêne bido.''